ATU tələbələri Rusiyada mükafatlandırılıb  
06.05.2024 16:29

ATU-nun əməkdaşları və bir qrup tələbəsi Rusiyanın Samara şəhərində keçirilən Ümumrusiya Uşaq Cərrahlarının “Uşaqlarda qarnın ön divarının cərrahi xəstəliyi” adlı simpoziumunda və XXX Ümumrusiya Uşaq Cərrahiyyəsi üzrə tələbə elmi konfransında iştirak edib.

 

Bu barədə Aztibb.az-a ATU-dan xəbər verilib.

 

Tədbirlərə ATU-nun Uşaq cərrahiyyəsi kafedrasının müdiri professor Ramiz Poluxov və kafedranın assistenti Namiq Xəlilov məruzəçi və münsif heyəti üzvü qısmində dəvət alıblar. Eyni zamanda, tələbə elmi konfransında II Müalicə-profilaktika fakültəsinin V kurs, 219R 1a qrup tələbələri İlahə Quliyeva və Xanım Əliyeva onlayn, Səid Qəribov isə şəxsən iştirak ediblər. Onlar professor R.Poluxov və assistent N.Xəlilovun elmi rəhbərliyi ilə “Uşaqlarda hipertrofik pilorostenozun laparoskopik müalicəsinin nəticələri” mövzusunda məruzə ilə çıxış ediblər.

 

Məruzəçilər bildirib ki, anadangəlmə hipertrofik pilorostenoz 3 aylığa qədər uşaqlar arasında mədə keçməzliyinin əsas səbəblərindən biridir: “Bu patologiyanın şərhini ilk dəfə 1888-ci ildə Hirschprung vermişdir. 1908-ci ildə Dufour və Fredet hipertrofiyaya uğramış pilorusun selikaltı qatadək boylama kəsilməsi və əzələ qatının köndələn tikilməsi əməliyyatını təklif etmişdir. 1912-ci ildə Ramstedt tərəfindən təklif olunan piloromiotomiya əməliyyatı indiyədək pilorostenozun cərrahi müalicəsinin standartı hesab edilir. Əməliyyatın laparoskopik variantı isə 1991-ci ildə Allain və Groussean tərəfindən şərh olunub. Laparoskopik əməliyyatların tətbiqindən sonra toxumaların zədələnmə dərəcəsi az və kosmetik nəticələr daha yaxşı olduğundan uşaqlarda pilorostenozun laparoskopik müalicəsinin nəticələrinin müqayisəli öyrənilməsi xüsusi maraq kəsb edir. Məqsəd isə uşaqlarda açıq və laparoskopik piloromiotomiya (LP) əməliyyatlarının nəticələrini müqayisəli qiymətləndirməkdən ibarətdir”.

 

Məruzəçi tələbələr diqqətə çatdırıb ki, uşaqlarda Hirschsprung xəstəliyinin minimal invaziv müalicəsi zamanı bu tədqiqat işi üçün 17 uşaqdan əməliyyatların nəticələri alınıb və növünə görə qruplara ayrılıb. Bu əməliyyatların nəticələrini müqayisə etdikdən sonra tədqiqatın nəticəsi çıxarılaraq Hirschprung xəstəliyində yoğun bağırsağın transanal rezeksiyasının effektivliyi qiymətləndirilib.

 

Qeyd edək ki, beynəlxalq səviyyədə keçirilən toplantıda Rusiya Federasiyasının bütün tibb universitetlərinin nümayəndələri təmsil olunub. Toplantının reytinqinə görə, Azərbaycan Tibb Universiteti II yerə, ATU-nun tələbələri isə III yerə layiq görülərək fəxri diplom, sertifikat və medallarla mükafatlandırılıblar.

 

Universitetimizin nümayəndələri R.Poluxov və N.Xəlilov Samara Dövlət Tibb Universitetinin 105 illiyinə həsr olunmuş tədbirlərdə də iştirak edib və Azərbaycan Tibb Universitetinin rektoru, professor Gəray Gəraybəylinin təbrik məktubunu yubiley iştirakçılarının nəzərinə çatdırıblar.

 

Tədbirdən sonra rektorun məktubu Samara Dövlət Tibb Universitetinin rektoru, professor A.V.Kolsanova təqdim olunub. Səmimi keçən görüşdə A.V.Kolsanov professor Gəray Gəraybəylini Samara şəhərinə dəvət edib.

 

Tədbir çərçivəsində ATU-nun əməkdaşları Samara şəhərində yaşayan həmvətənlərimizin fəal nümayəndələri ilə də görüşüblər.

ÇOX OXUNANLAR
Elmi-Tədqiqat Kardiologiya İnstitutunun həkim briqadası tərəfindən Laçında kardioloji müayinələr keçirilib
Lənkəranda bir qrup tibb işçisi peşə bayramları münasibətilə təltif edilib
Tibb işçilərinin dayanıqlı və “yaşıl” səhiyyə naminə həmrəy peşə bayramı
17 iyun - Tibb İşçilərinin Peşə Bayramı Günüdür
Süni intellekt və tibbi transhumanizm: Diaqnoz, müalicə və proqnozlaşdırma sahəsində irəliləyişlər
 Azərbaycan tibb elminə ağır itki üz verib   
“Həkimlərimizi tanıyaq!” rubrikası peşəkar təbiblərimizi tanıtmaqda davam edir!
Suraxani Tibb Mərkəzinin otorinolarinqoloqu Zərifə Məmmədova - Həkimlərimizi tanıyaq!
Gənc həkim Göyçay Rayon Mərkəzi Xəstəxanasında işə başlayıb
Uşaqların sağlamlığının keşiyində duran mehriban və diqqətcil pediatr - Nigar Mirzəyeva
Qan vermək insanlarda ürək-damar sisteminin fəaliyyətini normallaşdırır - MÜSAHİBƏ
Vətən müharibəsi şəhidinin yenidoğulan qardaşı sağalaraq evə buraxılıb
Tibb İşçilərinin Peşə Bayramı Günü münasibətilə bir qrup tibb işçisi təltif edilib
Xətai Tibb Mərkəzinin mama-ginekoloqu Şərifə Musayeva - Həkimlərimizi tanıyaq!
 Tibb Universitetində təhsil alan türkman tələbələr Multikulturalizm Mərkəzində olublar